Xatolarni o’rash

Katta dasturda xatolik bir necha qatlamdan o’tib yuqoriga ko’tariladi. Har bir qatlam uni shunchaki yuqoriga uzataversa, oxirida “connection refused” degan quruq xabar qoladi — qayerda yuz berganini esa umuman bilmaysiz. Yechimi — o’rash (wrapping): har bir qatlam xatolikka o’z kontekstini qo’shadi, lekin asl xatolikni ichida saqlab qoladi.

%w bilan o’rash

fmt.Errorfda maxsus %w (wrap) belgisi bor. U %vga o’xshaydi, lekin asl xatolikni yangi xatolikning ichiga bog’lab qo’yadi — shunda uni keyin qayta ochib olsa bo’ladi:

package main
 
import (
	"errors"
	"fmt"
)
 
var ErrTopilmadi = errors.New("element topilmadi")
 
func foydalanuvchiOl(id int) error {
	// baza qatlamida ErrTopilmadi qaytdi deb faraz qilamiz
	return fmt.Errorf("foydalanuvchi %d ni olishda xatolik: %w", id, ErrTopilmadi)
}
 
func main() {
	err := foydalanuvchiOl(42)
	fmt.Println(err)
	fmt.Println("asl xatolik:", errors.Unwrap(err))
}

$ go run wrap.go
foydalanuvchi 42 ni olishda xatolik: element topilmadi
asl xatolik: element topilmadi

Xabarda ikkala qatlam ham ko’rinib turibdi: yuqori qatlam kontekst qo’shdi, asl ErrTopilmadi esa ichida saqlanib qoldi. errors.Unwrap bilan o’ramni bir qavat ochib olsa bo’ladi (amalda buni qo’lda kam ishlatasiz - odatda errors.Is/errors.As avtomatik yuradi).

%w va %v orasidagi farq

Tashqi matni bir xil, lekin farq ichida: %w bilan o’ralgan xatolikni keyin topib olsa bo’ladi, %v bilan esa bog’lanish uziladi.

package main
 
import (
	"errors"
	"fmt"
)
 
var ErrRuxsatYoq = errors.New("ruxsat yo'q")
 
func main() {
	wOralgan := fmt.Errorf("amalda: %w", ErrRuxsatYoq)
	vOralgan := fmt.Errorf("amalda: %v", ErrRuxsatYoq)
 
	fmt.Println("errors.Is (w):", errors.Is(wOralgan, ErrRuxsatYoq))
	fmt.Println("errors.Is (v):", errors.Is(vOralgan, ErrRuxsatYoq))
}

$ go run w-vs-v.go
errors.Is (w): true
errors.Is (v): false

Asl xatolikni saqlab qolish kerak bo’lsa %w, uni ichki detal sifatida yashirmoqchi bo’lsangiz %v ishlating. Xatolikka faqat foydali kontekst (ID, fayl, amal) qo’shsangizgina o’rang - takrorlash foyda bermaydi.

Takeaway: Asl xatolikni saqlab kontekst qo’shish uchun fmt.Errorf("...: %w", err) ishlating.

Manba / batafsil: fmt.Errorf hujjati , Working with Errors in Go 1.13 

Endi o’ralgan xatoliklarni tekshirish - errors.Is va errors.As ni ko’ramiz.