Massiv va Slice

Ko’pgina ma’lumotlar tuzilmasining tagida massiv (array) yotadi. Go da array - o’lchami qat’iy, xotirada ketma-ket joylashgan elementlar to’plami. Slice esa array ustidagi moslashuvchan oyna: uning uzunligi (len) va sig’imi (cap) bo’lib, kerak bo’lganda o’sib boradi. Amalda deyarli har doim slice ishlatasiz.

Amallar murakkabligi (complexity)

Amal	Murakkablik	Izoh
Indeks bo’yicha o’qish `s[i]`	`O(1)`	to’g’ridan-to’g’ri manzil
Oxiriga qo’shish `append`	`O(1)`*	amortizatsiya qilingan
Boshiga/o’rtaga qo’shish	`O(n)`	qolganini surish kerak
O’chirish (o’rtadan)	`O(n)`	teshikni to’ldirish
Qidiruv (tartibsiz)	`O(n)`	har elementga qarash

*append odatda O(1), lekin sig’im tugaganda Go yangi, kattaroq massiv ajratib, ma’lumotni ko’chiradi - o’sha payt O(n) bo’ladi. O’rtacha hisobda (amortizatsiya) baribir O(1).

Kodda

slice.go


package main
 
import (
    "fmt"
    "slices"
)
 
func main() {
    s := []int{10, 20, 30}
 
    // O(1): oxiriga qo'shish
    s = append(s, 40)
 
    // O(n): 1-indeksga 15 ni qo'yish (o'rtaga qo'shish)
    s = slices.Insert(s, 1, 15)
 
    // O(n): 2-indeksdagi elementni o'chirish
    s = slices.Delete(s, 2, 3)
 
    // O(1): indeks bo'yicha o'qish
    fmt.Println("birinchi element:", s[0])
    fmt.Println("slice:", s)
    fmt.Println("len:", len(s), "cap:", cap(s))
}


$ go run slice.go
birinchi element: 10
slice: [10 15 30 40]
len: 4 cap: 6

Slice qiymat sifatida uzatilsa ham, ichidagi massiv umumiy bo’lib qolaveradi - shuning uchun funksiyaga slice berib yuborsangiz, u ichidagi elementni o’zgartirib qo’yishi mumkin. Buni esdan chiqarmang.

Xulosa: Slice - Go ning asosiy to’plam turi. Oxiriga qo’shish arzon, o’rtasiga qo’shish qimmat.

Manba / batafsil: Go Slices: usage and internals