Factory

Muammo: chaqiruvchi kod aynan qaysi konkret tur yaratilishini bilishi shart emas. U “menga logger kerak” deydi, xolos — u konsolgami yoki JSON ko’rinishida yozadimi, unga baribir. Yaratish mantig’i esa kod bo’ylab sochilib ketmasligi kerak.

G’oya: factory — obyekt yasaydigan oddiy funksiya. U konkret turni emas, interfeys (interface) qaytaradi. Go’da bu Java’dagidek alohida “factory class” emas, ko’pincha New... bilan boshlanadigan oddiy konstruktor.

factory.go


package main
 
import (
	"fmt"
	"strings"
)
 
type Logger interface {
	Log(msg string)
}
 
type ConsoleLogger struct{ prefix string }
 
func (c ConsoleLogger) Log(msg string) { fmt.Printf("[%s] %s\n", c.prefix, msg) }
 
type JSONLogger struct{}
 
func (JSONLogger) Log(msg string) { fmt.Printf(`{"level":"info","msg":%q}`+"\n", msg) }
 
// NewLogger interfeys qaytaradi; chaqiruvchi konkret turni bilmaydi.
func NewLogger(kind string) (Logger, error) {
	switch strings.ToLower(kind) {
	case "console":
		return ConsoleLogger{prefix: "APP"}, nil
	case "json":
		return JSONLogger{}, nil
	default:
		return nil, fmt.Errorf("noma'lum logger turi: %q", kind)
	}
}
 
func main() {
	for _, kind := range []string{"console", "json", "xml"} {
		log, err := NewLogger(kind)
		if err != nil {
			fmt.Println("xato:", err)
			continue
		}
		log.Log("tizim ishga tushdi")
	}
}


$ go run factory.go
[APP] tizim ishga tushdi
{"level":"info","msg":"tizim ishga tushdi"}
xato: noma'lum logger turi: "xml"

main konkret turlar haqida hech narsa bilmaydi. Yangi FileLogger qo’shsang, faqat bitta case qo’shasan, xolos.

Qachon: yaratish qarorini bir joyga jamlash kerak bo’lganda. Go’da interfeys yashirin qanoatlantirilgani uchun factory yozish arzon; GoF’ning “Abstract Factory” murakkabligi Go’da odatda oddiy funksiyaga qisqaradi.

Manba / batafsil: refactoring.guru/design-patterns/factory-method