Workspace - Ko’p Modulli Ish Muhiti

Ba’zan bir vaqtda bir nechta modul ustida ishlaysiz - kutubxona yozyapsiz va shu zahoti uni sinaydigan dastur ham bor. Go 1.18 dan boshlab bu vaziyat uchun workspace mavjud.

Muammo va yechim

app moduli lokal mat modulini import qiladi, lekin mat hali hech qayerga chiqarilmagan. Workspace Go ga “bu modullarni internetdan emas, lokal papkalardan ol” deb aytadi. ish/ papkasida boshlaymiz:

$ cd ish
$ go work init ./mat ./app

Bu go.work faylini yaratadi:

go 1.22
 
use (
	./mat
	./app
)

Keyinroq yangi modul qo’shish: go work use ./yangi-modul.

Xulosa: go work init/go work use bir nechta lokal modulni bitta ish muhitiga bog’laydi.

To’liq misol

package mat
 
func Qosh(a, b int) int { return a + b }

package main
 
import (
	"fmt"
 
	"github.com/gofer-uz/mat"
)
 
func main() {
	fmt.Println(mat.Qosh(2, 3))
}

app/go.mod da require github.com/gofer-uz/mat v0.0.0 bo’lsa ham, workspace importni ./mat papkasidan oladi:

$ go run ./app
5

mat ga kiritgan har bir o’zgarish dasturda darrov aks etadi - go get yoki e’lon qilish shart emas.

Xulosa: workspace lokal o’zgarishlarni darrov ko’rish imkonini beradi.

go.work ni git ga qo’shmang

go.work lokal papka yo’llariga bog’liq - boshqa kompyuterda ishlamaydi. .gitignore ga go.work va go.work.sum ni yozing. Ish tugagach kutubxonani versiya bilan chiqarasiz (v1.0.0) va dasturda go get github.com/gofer-uz/mat@v1.0.0 qilib haqiqiy versiyaga o’tasiz.

Xulosa: workspace faqat ishlab chiqish davomida yashaydi, repozitoriyga kirmaydi.

Manba / batafsil: go.dev/ref/mod - Workspaces  va Workspaces bo’yicha qo’llanma 

Endi bularni amalda qanday joylashtirish - loyiha tuzilishi haqida gaplashamiz.