Stack va Queue

Stek (stack) va navbat (queue) - bitta g’oyaning ikki ko’rinishi: gap elementlarni qaysi tartibda chiqarib olishingizda. Stek LIFO (Last In, First Out) - oxirgi qo’yilgani birinchi chiqadi, xuddi tovoq ustiga tovoq taxlaganday. Navbat esa FIFO (First In, First Out) - haqiqiy navbat kabi, birinchi kelgan birinchi ketadi.

Go da ikkovini ham slice bilan yasash oson - alohida tur o’ylab topish shart emas.

Murakkablik (complexity)

Amal	Stek	Navbat
Qo’shish (push/enqueue)	`O(1)`	`O(1)`
Olib chiqish (pop/dequeue)	`O(1)`	`O(1)`*

*Navbatda boshidan olib chiqishda s = s[1:] ishlatilsa O(1), lekin eski massiv xotirada qolib ketadi. Hajm katta bo’lsa container/list yoki halqasimon bufer (ring buffer) afzal.

Slice bilan

stackqueue.go


package main
 
import "fmt"
 
func main() {
    // STACK (LIFO)
    var stack []int
    stack = append(stack, 1, 2, 3) // push
    top := stack[len(stack)-1]     // peek
    stack = stack[:len(stack)-1]   // pop
    fmt.Println("stack pop qildi:", top, "qoldi:", stack)
 
    // QUEUE (FIFO)
    var queue []int
    queue = append(queue, 1, 2, 3) // enqueue
    front := queue[0]              // peek
    queue = queue[1:]             // dequeue
    fmt.Println("queue dequeue qildi:", front, "qoldi:", queue)
}


$ go run stackqueue.go
stack pop qildi: 3 qoldi: [1 2]
queue dequeue qildi: 1 qoldi: [2 3]

container/list va channel

Ikkita muqobil bor. container/list - ikki tomonlama bog’langan ro’yxat, PushBack/PushFront/Remove metodlarini beradi. Goroutine lar orasida ishlaydigan navbat kerak bo’lsa, channel tabiiy tanlov: ch <- v bilan qo’yasiz, <-ch bilan olasiz, u o’zi xavfsiz sinxronlashtiradi.

Xulosa: Stek va navbat - shunchaki tartib qoidasi. Ko’p holatda slice yetarli; parallel ish (concurrency) kerak bo’lsa channel ishlating.

Manba / batafsil: container/list - pkg.go.dev