Amaliy Loyiha: auth-platform

Bu bo’limdagi hamma narsa — pgxpool, migratsiyalar, parametrli so’rovlar, UserRepository interfeysi — bitta haqiqiy loyihada birlashadi. Jamoamiz shu maqsadda auth-platform ni ochiq nashr qildi: stdlib net/http (Go 1.22 routing), PostgreSQL va pgx/v5 ustiga qurilgan sodda, o’qiladigan autentifikatsiya backendi.

Kodni klonlab, o’zingiz ishga tushirib ko’rishingiz mumkin:

Repo: github.com/gofer-uz/examples/auth-platform
Batafsil maqola: blog.gopher.uz

Loyiha tuzilishi


auth-platform/
  docker-compose.yml         # postgres:16 (lokal dev)
  migrations/
    0001_init.sql            # users + sessions jadvallari
  cmd/server/main.go         # config -> db pool -> repo -> service -> http
  internal/
    database/database.go     # pgxpool.New, Ping, Close, migratsiya runner
    user/
      user.go                # User modeli
      repository.go          # UserRepository INTERFEYSI
      postgres.go            # pgx implementatsiyasi
    auth/service.go          # Register, Login, Authenticate, Logout
    httpapi/                 # router, handlerlar, middleware

Diqqat qiling: user/repository.go da interfeys, user/postgres.go da uning pgx implementatsiyasi. Bu — Repository Pattern sahifasida ko’rgan naqshning aynan o’zi. MongoDB qo’shmoqchi bo’lsangiz, user/mongo.go yozasiz, servis va handlerlar tegilmaydi.

Sxema: migrations/0001_init.sql

Loyihaning butun ma’lumot modeli ikki jadvalda. gen_random_uuid() va citext PostgreSQL ning standart imkoniyatlari (pgcrypto va citext kengaytmalari).

migrations/0001_init.sql


CREATE EXTENSION IF NOT EXISTS pgcrypto;
CREATE EXTENSION IF NOT EXISTS citext;
 
CREATE TABLE users (
    id            uuid        PRIMARY KEY DEFAULT gen_random_uuid(),
    email         citext      UNIQUE NOT NULL,
    password_hash text        NOT NULL,
    created_at    timestamptz NOT NULL DEFAULT now()
);
 
CREATE TABLE sessions (
    id         uuid        PRIMARY KEY DEFAULT gen_random_uuid(),
    user_id    uuid        NOT NULL REFERENCES users(id) ON DELETE CASCADE,
    token      text        UNIQUE NOT NULL,
    expires_at timestamptz NOT NULL,
    created_at timestamptz NOT NULL DEFAULT now()
);

email uchun citext — katta-kichik harf farqsiz taqqoslash (Aziz@ va aziz@ bir xil). sessions.user_id esa ON DELETE CASCADE: foydalanuvchi o’chirilsa, uning sessiyalari ham avtomatik o’chadi.

Wiring: cmd/server/main.go

main ning butun vazifasi — bo’laklarni ulash: config o’qish, havza ochish, migratsiyalarni qo’llash, repository va servisni qurish, HTTP serverni ishga tushirish.

cmd/server/main.go


package main
 
import (
    "context"
    "log"
    "net/http"
 
    "github.com/gofer-uz/examples/auth-platform/internal/auth"
    "github.com/gofer-uz/examples/auth-platform/internal/config"
    "github.com/gofer-uz/examples/auth-platform/internal/database"
    "github.com/gofer-uz/examples/auth-platform/internal/httpapi"
    "github.com/gofer-uz/examples/auth-platform/internal/user"
)
 
func main() {
    cfg := config.Load() // DATABASE_URL, JWT_SECRET, PORT ...
    ctx := context.Background()
 
    pool, err := database.New(ctx, cfg.DatabaseURL) // pgxpool.New + Ping
    if err != nil {
        log.Fatalf("baza: %v", err)
    }
    defer pool.Close()
 
    if err := database.Migrate(ctx, pool); err != nil { // migrations/*.sql
        log.Fatalf("migratsiya: %v", err)
    }
 
    users := user.NewPostgresRepository(pool) // UserRepository interfeysi
    authSvc := auth.NewService(users, cfg.JWTSecret)
    handler := httpapi.NewRouter(authSvc)
 
    log.Printf("server ishlayapti :%s", cfg.Port)
    log.Fatal(http.ListenAndServe(":"+cfg.Port, handler))
}

Butun oqim shu yerda ko’rinadi: pool bir marta ochiladi va defer pool.Close() bilan yopiladi (Ulanish), migratsiyalar dastur boshida qo’llanadi (Migratsiyalar), repository esa interfeys sifatida servisga uzatiladi.

Ishga tushirish

Loyihani klonlab, ikki buyruq bilan ko’tarasiz:


$ git clone https://github.com/gofer-uz/examples
$ cd examples/auth-platform
$ docker compose up -d          # postgres:16 ni ko'taradi
$ export DATABASE_URL="postgres://gopher:secret@localhost:5432/auth"
$ go run ./cmd/server
2026/07/22 10:00:00 server ishlayapti :8080

Endi API bilan gaplashamiz — ro’yxatdan o’tish va kirish:


$ curl -s -X POST localhost:8080/api/auth/register \
    -H 'Content-Type: application/json' \
    -d '{"email":"aziz@example.uz","password":"parol12345"}'
{"id":"7c9e...","email":"aziz@example.uz"}
 
$ curl -s -X POST localhost:8080/api/auth/login \
    -H 'Content-Type: application/json' \
    -d '{"email":"aziz@example.uz","password":"parol12345"}'
{"access_token":"eyJhbGciOiJIUzI1NiIsIn..."}

register ichida parol bcrypt bilan hashlanadi va postgresRepository.Create orqali INSERT ... RETURNING id bilan yoziladi — aynan CRUD da ko’rgan usul. login esa ByEmail bilan foydalanuvchini topadi, parolni tekshiradi va sessions jadvaliga yangi qator qo’shadi.

Manba / batafsil: github.com/gofer-uz/examples/auth-platform

Bo’lim shu yerda yakunlanadi. Kodni klonlang, o’zgartiring, sindiring va qayta yig’ing — eng yaxshi o’rganish shu. MongoDB implementatsiyasini qo’shib ko’rish esa a’lo mashq: interfeys tayyor, faqat mongo.go yozish qoldi.