Constraintlar

any bilan T ustida hech qanday amal qila olmaymiz — “istalgan tur” + ni ham, == ni ham qo’llab-quvvatlamasligi mumkin. Constraint T qaysi turlardan biri bo’lishini va shu bilan unda qanday amallar joizligini belgilaydi. Sintaktik jihatdan u — interface, lekin oddiy interfeysdan farqi: metodlardan tashqari turlar to’plamini ham sanay oladi.

comparable va tayyor constraintlar

Tayyor keladigan eng muhimi — comparable (==, != bilan solishtirsa bo’ladigan turlar) va cmp.Ordered (<, > bilan tartiblanadigan turlar: sonlar va string). Ko’p holatda o’zingiznikini yozmasdan shularni ishlatasiz:

package main
 
import (
    "cmp"
    "fmt"
)
 
// cmp.Ordered — <, > amallarini qo'llab-quvvatlaydi.
func Max[T cmp.Ordered](a, b T) T {
    if a > b {
        return a
    }
    return b
}
 
func main() {
    fmt.Println(Max(3, 9))
    fmt.Println(Max("olma", "banan"))
}

$ go run ordered.go
9
olma

cmp.Ordered o’rniga any yozsak, a > b kompilyatsiya bo’lmasdi.

Xulosa: shunchaki solishtirish uchun comparable yoki cmp.Ordered — standart, hech narsa o’rnatmaysiz.

O’z constraint’ingiz: union va ~ operatori

Arifmetika (+, -) kerak bo’lsa, o’z constraint’ingizni yozasiz — interfeys ichida turlarni | (union) bilan sanaysiz. ~int esa “asosiy turi (underlying type) int bo’lgan har qanday tur” degani, shuning uchun type Yosh int kabi foydalanuvchi turlari ham mos keladi:

package main
 
import "fmt"
 
// ~int | ~float64 — asosiy turi shu bo'lgan barcha turlar.
type Number interface {
    ~int | ~float64
}
 
type Yosh int // asosiy turi int
 
func Sum[T Number](nums []T) T {
    var total T // nol qiymat: int uchun 0, float64 uchun 0.0
    for _, n := range nums {
        total += n
    }
    return total
}
 
func main() {
    fmt.Println(Sum([]int{1, 2, 3, 4}))
    fmt.Println(Sum([]Yosh{18, 25, 30})) // ~int bo'lgani uchun mos
}

$ go run number.go
10
73

~ bo’lmaganida Sum([]Yosh{...}) kompilyatsiya bo’lmasdi. Qoida: constraint yozganda deyarli har doim ~ ishlating.

Agar tayyor arifmetik constraintlar kerak bo’lsa, golang.org/x/exp/constraints paketida constraints.Integer, constraints.Float va boshqalar bor (standart kutubxona emas, go get golang.org/x/exp/constraints bilan o’rnatiladi).

Xulosa: arifmetika kerak bo’lsa ~int | ~float64 kabi union constraint yozing yoki x/exp/constraints dan foydalaning.

Manba / batafsil: pkg.go.dev/cmp#Ordered , pkg.go.dev/golang.org/x/exp/constraints 

Keyingi bo’limda generic turlar — masalan generic Stack — yasashni ko’ramiz.