Channellar

Go’ning mashhur falsafasi: xotirani baham ko’rib gaplashmang — gaplashib xotirani baham ko’ring. Ya’ni umumiy o’zgaruvchi ustida chalkashish o’rniga, ma’lumotni channel (kanal) orqali bir goroutine’dan ikkinchisiga uzatasiz. Channel — tur jihatidan xavfsiz “quvur”:

ch := make(chan int)
ch <- 42   // yuborish
x := <-ch  // olish

make(chan int) bilan yaratilgan channel unbuffered (bufersiz): ichida joy yo’q, shuning uchun yuborish qabul qiluvchi tayyor bo’lguncha, olish esa yuboruvchi qiymat berguncha bloklanadi. Ikki goroutine aynan shu nuqtada uchrashadi — bu ayni paytda sinxronizatsiya ham bo’ladi.

package main
 
import "fmt"
 
func main() {
    ch := make(chan string)
 
    go func() {
        ch <- "salom channel dan"
    }()
 
    msg := <-ch // goroutine yuborguncha kutadi
    fmt.Println(msg)
}

$ go run channel.go
salom channel dan

Sleep ham, WaitGroup ham kerak bo’lmadi — channel’ning o’zi sinxronizatsiyani uddaladi.

Yo’nalish, yopish, range

Funksiya argumentida channel yo’nalishini cheklash mumkin: chan<- int faqat yuborish, <-chan int faqat olish uchun. Yuboruvchi “boshqa qiymat yo’q” deganini close(ch) bilan bildiradi (channel’ni faqat yuboruvchi yopadi; yopiq channel’ga yozish panic beradi). Barcha qiymatlarni o’qishning eng chiroyli usuli — for range: u channel yopilganda o’zi to’xtaydi:

package main
 
import "fmt"
 
func producer(out chan<- int) { // faqat yuborish uchun
    for i := range 5 {
        out <- i * i
    }
    close(out) // yozib bo'lgach yopamiz
}
 
func main() {
    nums := make(chan int)
    go producer(nums)
 
    for n := range nums { // yopilganda to'xtaydi
        fmt.Println("kvadrat:", n)
    }
}

$ go run range.go
kvadrat: 0
kvadrat: 1
kvadrat: 4
kvadrat: 9
kvadrat: 16

Agar goroutine close(nums) qilmasa, range yangi qiymatni abadiy kutib deadlock’ka tushadi (fatal error: all goroutines are asleep - deadlock!).

Qisqasi: unbuffered channel yuborish va olishni sinxronlaydi; yuboruvchi ishini close bilan tugatadi, oluvchi esa for range bilan o’qiydi.

Manba / batafsil: go.dev/tour/concurrency/2 , Go spec — Channel types 

Ichida joyi bor channel — ya’ni buffered channel — keyingi darsda.