Buffered Channellar

Unbuffered channel’da har bir ch <- v qabul qiluvchini kutib turadi. Buffered channel (buferli kanal) esa ichida ma’lum sondagi qiymatni saqlab tura oladi — sig’imini make ning ikkinchi argumenti belgilaydi:

ch := make(chan int, 3) // sig'imi 3 ta

Bufer to’lmaguncha yuborish bloklanmaydi. To’lib ketsa, yana bloklanadi; bufer bo’sh bo’lsa, olish bloklanadi. cap(ch) — umumiy sig’im, len(ch) — ayni damda ichidagi qiymatlar soni.

package main
 
import "fmt"
 
func main() {
    ch := make(chan string, 2)
 
    ch <- "birinchi"  // qabul qiluvchisiz ham joylashadi
    ch <- "ikkinchi"
 
    fmt.Println("len:", len(ch), "cap:", cap(ch))
    fmt.Println(<-ch)
    fmt.Println(<-ch)
}

$ go run buffered.go
len: 2 cap: 2
birinchi
ikkinchi

E’tibor bering: bu yerda goroutine umuman yo’q. Unbuffered channel’da bu kod deadlock’ka tushardi — ch <- "birinchi" qabul qiluvchini kutib qotib qolardi. Bufer borligi uchun ikkala qiymat ham bemalol joylashdi.

Navbat (queue) sifatida

Buffered channel — tayyor turgan, goroutine’lar uchun xavfsiz FIFO navbat. Yuboruvchi bilan oluvchi tezligi har xil bo’lganda juda qo’l keladi: ularni bir-biriga qattiq bog’lab qo’ymaydi — bo’sh joy borida yuboruvchi qiymatni tashlab, o’z ishida davom etaveradi:

package main
 
import "fmt"
 
func main() {
    queue := make(chan string, 3)
 
    queue <- "vazifa-1"
    queue <- "vazifa-2"
    queue <- "vazifa-3"
    close(queue)
 
    for task := range queue { // kirgan tartibda chiqadi (FIFO)
        fmt.Println("bajarilmoqda:", task)
    }
}

$ go run queue.go
bajarilmoqda: vazifa-1
bajarilmoqda: vazifa-2
bajarilmoqda: vazifa-3

Qisqasi: buffered channel bufer to’lguncha bloklanmaydi; yuboruvchi va oluvchi orasidagi tezlik farqini yumshatadigan FIFO navbat vazifasini bajaradi.

Manba / batafsil: go.dev/tour/concurrency/3 

Bir nechta channel’ni bir vaqtda kuzatish uchun select bor — keyingi darsda ko’ramiz.