Select

Bir nechta channel ni bir vaqtda kuzatish uchun select bor. U switch ga o’xshaydi, lekin har bir case channel operatsiyasi:


select {
case v := <-ch1: // ch1 dan qiymat keldi
case ch2 <- x:   // ch2 ga yuborildi
}

select tayyor bo’lgan case ni bajaradi; bir nechtasi tayyor bo’lsa, biri tasodifiy tanlanadi; hech biri tayyor bo’lmasa (default siz) kutadi.

select.go


package main
 
import (
    "fmt"
    "time"
)
 
func main() {
    c1 := make(chan string)
    c2 := make(chan string)
 
    go func() { time.Sleep(100 * time.Millisecond); c1 <- "biri" }()
    go func() { time.Sleep(200 * time.Millisecond); c2 <- "ikki" }()
 
    for range 2 {
        select {
        case msg := <-c1:
            fmt.Println("qabul qilindi:", msg)
        case msg := <-c2:
            fmt.Println("qabul qilindi:", msg)
        }
    }
}


$ go run select.go
qabul qilindi: biri
qabul qilindi: ikki

c1 tezroq (100ms) tayyor bo’ldi, shu bois birinchi tanlandi. Har select faqat bitta case ni bajaradi.

`default` va timeout

default case hech bir channel tayyor bo’lmaganda darhol ishlaydi - bu “non-blocking” tekshirish uchun. Eng foydali naqsh esa timeout: time.After(d) d vaqt o’tgach qiymat yuboradigan channel qaytaradi, uni case sifatida qo’ysak “shu vaqtgacha javob kelmasa, kutishni bas qil” bo’ladi:

timeout.go


package main
 
import (
    "fmt"
    "time"
)
 
func main() {
    result := make(chan string)
 
    go func() {
        time.Sleep(300 * time.Millisecond) // sekin operatsiya
        result <- "natija tayyor"
    }()
 
    select {
    case res := <-result:
        fmt.Println(res)
    case <-time.After(150 * time.Millisecond):
        fmt.Println("timeout: juda uzoq kutdik")
    }
}


$ go run timeout.go
timeout: juda uzoq kutdik

Operatsiya 300ms kerak qildi, biz esa 150ms kutdik - time.After oldin otildi. Bu naqsh tarmoq so’rovi kabi “qotib qolishi mumkin” har qanday operatsiyani himoyalaydi.

Qisqasi: select bir nechta channel ni kuzatadi; default bloklanmaydi, time.After timeout beradi.

Manba / batafsil: go.dev/tour/concurrency/5 , Go spec — Select

Goroutine larni birma-bir kutish uchun sync.WaitGroup - keyingi darsda.

Select

default va timeout

`default` va timeout