log/slog

log/slog (Go 1.21+) — strukturaviy loglash (structured logging) uchun standart paket. Oddiy log shunchaki matn qatorini yozadi; slog esa har bir logni kalit-qiymat juftliklari ko’rinishida yozadi, shuning uchun keyinchalik uni dastur ham osongina qidirib topa oladi.

Info va Error atributlar bilan

Log xabaridan keyin atributlarni juft-juft qilib berasiz: kalit, qiymat, kalit, qiymat. Standart handler ularni key=value ko’rinishida chiqaradi.

package main
 
import "log/slog"
 
func main() {
    slog.Info("foydalanuvchi kirdi", "user", "abdurahmon27", "id", 42)
    slog.Warn("disk to'lmoqda", "percent", 91)
    slog.Error("ulanish uzildi", "retry", 3)
}

$ go run basic.go
2026/07/22 14:30:00 INFO foydalanuvchi kirdi user=abdurahmon27 id=42
2026/07/22 14:30:00 WARN disk to'lmoqda percent=91
2026/07/22 14:30:00 ERROR ulanish uzildi retry=3

Qisqasi: time qiymati dastur qachon ishga tushganiga qarab o’zgaradi; asosiysi — struktura, ya’ni msg + key=value.

Manba / batafsil: pkg.go.dev/log/slog#Info 

JSON handler

Ishlab chiqarishda (production) loglar odatda JSON ko’rinishida yig’iladi — Loki, ELK va shunga o’xshash tizimlar uchun. slog.NewJSONHandler bilan har bir log bitta qator JSON bo’lib chiqadi.

package main
 
import (
    "log/slog"
    "os"
)
 
func main() {
    logger := slog.New(slog.NewJSONHandler(os.Stdout, nil))
    logger.Info("buyurtma yaratildi", "order_id", 1001, "total", 49.99)
}

$ go run json.go
{"time":"2026-07-22T14:30:00.123+05:00","level":"INFO","msg":"buyurtma yaratildi","order_id":1001,"total":49.99}

Qisqasi: JSON handler loglarni log yig’uvchi tizimlar bemalol o’qiydigan formatga soladi.

Manba / batafsil: pkg.go.dev/log/slog#NewJSONHandler 

With — umumiy atributlar

With bir nechta atributni oldindan biriktirib, yangi logger qaytaradi. So’rov (request) davomida qayta-qayta takrorlanadigan request_id kabi maydonlarni har safar qo’lda yozib o’tirmaslik uchun ayni muddao.

package main
 
import (
    "log/slog"
    "os"
)
 
func main() {
    logger := slog.New(slog.NewJSONHandler(os.Stdout, nil))
    reqLog := logger.With("request_id", "req-7", "user", "ali")
 
    reqLog.Info("boshlandi")
    reqLog.Info("tugadi", "status", 200)
}

$ go run with.go
{"time":"...","level":"INFO","msg":"boshlandi","request_id":"req-7","user":"ali"}
{"time":"...","level":"INFO","msg":"tugadi","request_id":"req-7","user":"ali","status":200}

Qisqasi: With bilan kontekstni bir marta biriktirib qo’yasiz — keyin har bir logda o’sha maydonlar o’zi chiqaveradi.

Manba / batafsil: pkg.go.dev/log/slog#Logger.With 

Keyingi qismda slices va maps paketlarini ko’ramiz.