Skip to Content
Ma'lumotlar BazasiPostgreSQLKirish

PostgreSQL va Go

PostgreSQL — ochiq kodli, ishonchli va imkoniyatlari boy relatsion baza: transaksiyalar, uuid, jsonb, citext — hammasi qutidan chiqadi. Go’ning aniq turlari (int64, string, time.Time) PostgreSQL turlariga tabiiy o’giriladi.

Driver tanlash: lib/pq yoki pgx

Ikkala driver ham database/sql bilan ishlaydi, lekin orasidagi farq muhim:

  • github.com/lib/pq — eski va mashhur, ammo amalda “maintenance mode”da, ya’ni endi faol rivojlanmaydi. Hujjatining o’zi pgx’ni tavsiya qiladi. Yangi loyihada uni tanlashning ma’nosi yo’q.
  • github.com/jackc/pgx — bugungi standart. PostgreSQL protokolini o’zi amalga oshiradi: tezroq ishlaydi, aniq xatolar beradi (pgx.ErrNoRows, error kodlari) va PostgreSQL turlarini yaxshi tushunadi. Ham database/sql orqali, ham to’g’ridan-to’g’ri pgxpool orqali ishlaydi.

Tavsiya: yangi loyihada pgx/v5’ni to’g’ridan-to’g’ri pgxpool bilan ishlating. Butun bo’lim davomida shuni ishlatamiz.

Manba / batafsil: pkg.go.dev/github.com/jackc/pgx/v5 

O’rnatish

$ go get github.com/jackc/pgx/v5

pgxpool — pgx/v5 ichidagi paket; connection pool (ulanishlar havzasi) beradi. Uni alohida go get qilish shart emas.

Docker bilan PostgreSQL

Lokal bazani ko’tarishning eng qulay yo’li — Docker:

$ docker run --name gopher-pg \
    -e POSTGRES_USER=gopher -e POSTGRES_PASSWORD=secret -e POSTGRES_DB=shop \
    -p 5432:5432 -d postgres:16
$ docker exec -it gopher-pg psql -U gopher -d shop
psql (16.3)
shop=# SELECT version();
 PostgreSQL 16.3 on x86_64-pc-linux-gnu ...
shop=# \q

Bitta buyruq — va qo’lingizda ishlaydigan postgres:16 turibdi.

Manba / batafsil: postgresql.org/docs/16 

Birinchi so’rov

Go’dan bazaga ulanib, oddiy SELECT yuboramiz. Connection string — postgres://user:parol@host:port/dbname ko’rinishidagi URL.

first.go
package main
 
import (
    "context"
    "fmt"
    "log"
 
    "github.com/jackc/pgx/v5/pgxpool"
)
 
func main() {
    ctx := context.Background()
 
    pool, err := pgxpool.New(ctx, "postgres://gopher:secret@localhost:5432/shop")
    if err != nil {
        log.Fatalf("pool yaratib bo'lmadi: %v", err)
    }
    defer pool.Close()
 
    var greeting string
    if err := pool.QueryRow(ctx, "SELECT 'salom, PostgreSQL'").Scan(&greeting); err != nil {
        log.Fatalf("so'rov xatosi: %v", err)
    }
    fmt.Println(greeting)
}
$ go run first.go
salom, PostgreSQL

Shu natijani ko’rsangiz — demak Go, driver va PostgreSQL bir-biri bilan bemalol gaplashyapti.

Keyingi qadam — ulanishni jiddiyroq sozlash: Ulanish.

Last updated on
KirishUlanish