Type parametrlar

Oddiy funksiya qiymatlarni parametr qiladi, generic funksiya esa turlarni ham. Ular funksiya nomidan keyin kvadrat qavsda yoziladi: func Nomi[T any](arg T) T. Bu yerda T — tur uchun nom (odatda T, K, V), any esa constraint — “istalgan tur bo’laveradi”.

Eng muhim qulaylik — type inference: agar turni argumentdan aniqlash mumkin bo’lsa, uni qo’lda yozish shart emas (O'zgaruvchilar bo’limidagi := bilan bir xil g’oya). Quyida Map — bir slice’ni boshqa turdagi slice’ga aylantiradi; kirish turi T, chiqish turi U alohida:

package main
 
import (
    "fmt"
    "strconv"
)
 
// Map: []T ni []U ga aylantiradi. Ikkita type parameter — T va U.
func Map[T, U any](s []T, f func(T) U) []U {
    result := make([]U, len(s))
    for i, v := range s {
        result[i] = f(v)
    }
    return result
}
 
func main() {
    nums := []int{1, 2, 3, 4}
 
    // Type inference: T=int, U=int — qo'lda yozmadik
    squares := Map(nums, func(n int) int { return n * n })
    fmt.Println(squares)
 
    // T=int, U=string
    strs := Map(nums, func(n int) string { return "#" + strconv.Itoa(n) })
    fmt.Println(strs)
}

$ go run map.go
[1 4 9 16]
[#1 #2 #3 #4]

Chaqiriqda Map[int, int] yoki Map[int, string] yozmadik — Go turlarni argumentlardan o’zi aniqladi. Aniq [int] faqat Go turni aniqlay olmaganda (masalan tur faqat qaytish qiymatida uchrasa) kerak bo’ladi.

Xulosa: type parameter’lar [T any] shaklida keladi; amalda deyarli har doim type inference tufayli turni qo’lda yozmaysiz.

Manba / batafsil: go.dev/ref/spec#Type_parameter_declarations 

Keyingi bo’limda T ni constraint bilan cheklashni ko’ramiz.